3 ANOS

Ola pequerrechos e pequerrechas!
Que tal de finde?

Empezamos unha nova semana con algo sinxeliño. Ides practicar a facer series, xogando con cousiñas que teñades por casa, por ex: garavanzo/macarrón; garfo/culler...

Na fichiña de hoxe tedes que levar a abelliña á súa colmea facendo unha serie de 2 elementos con 2 cores que vos gusten.

Agora podedes buscar no Symbaloo algunha canción de abellas como a de "Zun Zun" ou "As abellas de papel" e bailalas libremente. Despois por detrás desta ficha podedes debuxarvos bailando e xa veredes que guapos/as quedades!

ACTIVIDADE EXTRA

Como é luns e aínda temos moita enerxía, deixámosvos un pequeno traballo de investigación que como todo o que aquí expoñemos, é voluntario,  pero si vos animades dispoñedes de toda a semana para facelo. Podedes buscar o cadro A DANZA de Mattise. Fixádevos moi ben nel: en cantas persoas hai, como están colocados, que están facendo, que cores emprega o pintor... Despois gustaríanos que recollerades nun folio toda esta información e a que se vos ocorra a través dun debuxo ou escribindo.  Cando o teñades, se queredes, podedes ensinárnolo facéndonolo chegar do mesmo xeito que fixemos ca foto do Día do Libro, a través do TokApp.

 Ánimo e a disfrutar!!!